Jeugdherinneringe
zien as vlindervleugels
Aafbliève... inkelt werm blaoze

Op vlindervleugels truuk
nao de slup van mam
as-se dich pien hads gedaon
un bietje krank waas
noom mam dich op de slup
truuestend gelök
Allein mam en ik same
geveul tieër als vlindervleugels

Hallo hallo ‘t is weer vastelaovend
same met vrinde en vrindinne
van noow en van vruuger
van heej en van boete
vrinde en vrindinne in leefdevolle
herinnering veur altied in ós hert

Same de leedjes zinge
schöd d’r mich nog eine in
dich nog un toet beer
now bin ik aevel aan de beurt
kom op vrind kloek d’r nog eine

inens sleit de vastelaovend
mich in de bein
doa steit unne stool
noeits zoeë gelökkig gewaes
as met deze laege stool
Ik zet mich en begriep 't
dit is mier als unne stool

dit is as de slup van mam
allein vastelaovend en ik same
ózze Venlose vastelaovend
is zoeëwie de slup van mam